អំពីពួកយើង
ចាប់តាំងពីខែមករាឆ្នាំ២០១៩ “គម្រោងកំណត់ត្រានៃការចងចាំ” បាននឹងកំពុងបង្កើតវេទិកាអន្តរកម្មពហុប្រព័ន្ធ ផ្សព្វ ផ្សាយ តាមរយៈប្រព័ន្ធ អ៊ិនធឺណែត ដែលនឹងអប់រំយុវជនជំនាន់ក្រោយ និងរំលឹកដល់អំពើឃោរឃៅ ដែលបានប្រព្រឹត្ត ក្រោម កា រគ្រប់គ្រងរបស់ខ្មែរក្រហម។ គម្រោងនេះនឹងផ្តល់ឱ្យយុវវ័យកម្ពុជា នូវលទ្ធភាពទទួលបានសក្ខីកម្មជា វីដេអូអំពី អ្នកនៅរស់រាន មានជីវិតពីរបបខ្មែរក្រហម ក៏ដូចជាភាពយន្តឯកសារ រូបថត រូបគំនូរ និងឯកសារប័ណ្ណសារផ្សេងៗទៀត។ គម្រោង នេះបានបើកចំហនូវលទ្ធភាពចូលទៅក្នុងអតីតកាល ដែលមានសារៈសំខាន់ក្នុងការកំណត់ការ យល់ដឹងនៃ ព្រឹត្តិ ការណ៍ប្រវត្តិសាស្ត្រ ក៏ដូចជាផ្តោតក្តីសង្ឃឹមទៅលើយុវជននាពេលអនាគត។
ផ្ទះមេត្តាដែលជា មជ្ឈមណ្ឌលសិល្បៈវប្បធម៌ឯករាជ្យ និងជាមជ្ឈមណ្ឌលព័ត៌មាន និងទំនាក់ទំនង ដំបូងគេរបស់ ប្រទេស កម្ពុជា បាននិងកំពុងដឹកនាំគម្រោងនេះក្រោមការគាំពាររបស់អង្គការក្រៅរដ្ឋាភិបាលអន្ដរជាតិ សមាគមវប្បធម៌កម្ពុជា - អាល្លឺ ម៉ង់ (KDKG) ។ “គម្រោងកំណត់ត្រានៃការចងចាំ” ត្រូវបានគាំទ្រដោយវិទ្យាស្ថាន ទំនាក់ទំនង អន្តរជាតិអាល្លឺម៉ង់ (វិទ្យាស្ថាន fuer Auslandsbeziehungen / IFA) តាមរយៈមូលនិធិ ZIVIC (https://www.ifa.de/en/) ។
ក្នុងដំណាក់កាលដំបូងនៃគម្រោងនេះ រឿងរ៉ាវរបស់អ្នករស់រានមានជីវិតពីរបបខ្មែរក្រហមប្រហែល២០នាក់នឹងត្រូ វ បាន ចង ក្រងជាឯកសារ និងអាចស្វែងរកបាននៅលើប្រព័ន្ធអ៊ិនធឺណេតនៅដំណាច់ឆ្នាំ២០១៩។ ក្នុងឆ្នាំបន្ទាប់ ផ្ទះមេត្តានឹង បន្ត សំភាសន៍អ្នកនៅរស់រានមានជីវិតតាមដែលអាចធ្វើទៅបាន ដោយសហការ យ៉ាងជិតស្និទ្ធ ជាមួយ អង្គការ ក្រៅ រដ្ឋា ភិ បាល ដទៃទៀត និងម្ចាស់ជំនួយ ក្នុងការប៉ុនប៉ងបង្កើតកំណត់ ត្រាមួយដែលមានលក្ខណៈ ពេញលេញ។ កំណត់ត្រា ទាំង ស្រុង នេះអាចនឹងត្រូវបានស្រាវជ្រាវសិក្សារដោយមនុស្សជំនាន់ក្រោយ ដែលពុំមានឱកាស បានជួ បនឹងអ្នក រស់រានមាន ជីវិត និង រៀន ពីបទពិសោធន៍របស់ពួកគេទេ។
អំណាចហិង្សាដែលបានបំផ្លាញសង្គមកម្ពុជា បានធ្វើឱ្យប្រទេសជាតិខ្ទេចខ្ទាំ ហើយបានបន្សល់ទុកនូវអារម្មណ៍ តក់ស្លុត ដល់ មនុស្សគ្រប់គ្នា ។ វាតម្រូវការចាំបាច់ក្នុងការបង្កើតឲ្យ មានមូលដ្ឋានទិន្នន័យគន្ថនិទ្ទេស រូបថត និងទីតាំងភូមិសាស្ត្រ ជាច្រើនទៀត ដែលទាក់ទងទៅនឹងសកម្មភាពរបស់របបខ្មែរក្រហម។ ក្នុងការស្ថាបនាឡើងវិញនូវប្រវត្តិសាស្រ្ត នៃព្រឹត្តិ ការណ៍ មុនពេល កំឡុង និងក្រោយសម័យខ្មែរក្រហម កម្ពុជានឹងមានគ្រឹះដ៏រឹងមាំមួយដែល អាចកសាង សង្គម របស់ ខ្លួន ឡើងវិញឱ្យកាន់តែប្រសើរឡើង។
មានគំរោងប្រហាក់ប្រហែលគ្នាដែលផ្តោតលើអំពើប្រល័យពូជសាសន៍ ដ៏សាហាវព្រៃផ្សៃនៅក្នុងប្រទេសអាល្លឺម៉ង់។ កម្ម វិធី ដូចជា Shoah Foundation (https://sfi.usc.edu/) និងបណ្ណសារវីដេអូ Fortunoff (https:// fort uno ff .library.yale.edu/) ផ្តល់ សិទ្ធិ ទទួលបានការបើកចំហ ចំពោះសក្ខីកម្មសោតទស្សន៍ ស៊ីជម្រៅរបស់ អ្នក រស់ រាន មាន ជីវិត និង សាក្សី នៃអំពើប្រល័យពូជសាសន៍។ នៅឯសាកលវិទ្យាល័យ Freie នៅប៊ែរឡាំង មជ្ឈមណ្ឌល ប្រព័ន្ធឌីជីថល (https://www.zwangsarbeit-archiv.de/en/projekt/beschreibung/index.html) បានធ្វើកំណត់ ត្រា ឌីជី ថល វីដេអូ និងសំឡេង នៃការងារទាំងបង្ខំនៅប្រទេសអាល្លឺម៉ង់។ “ពលកម្មទាំងបង្ខំ ការចងចាំ និងប្រវត្តិសាស្ត្រ” បាន ចាប់ផ្តើមក្នុងឆ្នាំ ២០០៧ហើយត្រូវបានបញ្ចប់ និងអាចទស្សនាសិក្សាបាននៅឆ្នាំ ២០០៩ ជាមួយ នឹងការ ផ្លាស់ ប្តូរ តិច តួច ទៅលើវេទិកាអនឡាញដើម្បីធានាបាននូវមុខងាររបស់អ្នកប្រើប្រាស់ដែលមានគុណភាព។ កម្មវិធី ទាំងបីនេះអាច ប្រើ ប្រាស់ ជាសម្ភារៈអប់រំ និងផ្តល់នូវភាសាជាច្រើនសម្រាប់បកប្រែ។ លំហាត់អនុវត្ត អាចធ្វើបាន ជាលក្ខណៈឯកជន តាម រយៈ កម្មវិធីវិបសាយ ឬថ្នាក់រៀនតាមការណែនាំដោយឌីវីឌីដែលបានភ្ជាប់ជាមួយសៀវភៅណែនាំរបស់គ្រូ។
ផ្ទះមេត្តា បានផ្តោតការយកចិត្តទុកដាក់លើទំនាក់ទំនងសហប្រតិបត្តិការរវាងបច្ចេកវិទ្យាឌីជីថលពហុប្រព័ន្ធផ្សព្វផ្សាយ និងការអប់រំ នៅក្នុង វិស័យសិក្សាដោយខ្លួនឯង នៅក្នុងរាជធានីភ្នំពេញ។ ក្រសួងប្រៃសណីយ៍ និងទូរគមនាគមន៍ គ្រោង នឹង ផ្លាស់ ប្តូរសង្គមកម្ពុជាទៅជាសេដ្ឋកិច្ចឌីជីថលនៅត្រឹមឆ្នាំ២០២៣។ ដោយសារជំនាញបច្ចេកវិទ្យាឈានមុខគេ និ ង ការ ទំនាក់ទំនង បានបង្កើននូវសារៈសំខាន់ខ្លាំងនៅទូទាំងពិភពលោក ផ្ទះមេត្តា បាននិង កំពុង ផ្តល់ ឱកាស ដល់ យុវជន កម្ពុជាក្នុ ង ការស្វែងរកនិងជំនាញរបស់ពួកគេនៅក្នុងវិស័យនេះ។ កាសែតភ្នំពេញប៉ុស្ត៍ថ្មីៗនេះ បានចេញផ្សាយអត្ថបទ "សាលារៀនត្រូវការវិធីសាស្ត្រទំនើប" ហើយបានដកស្រង់សម្តីរបស់ ឯកឧត្តមហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡាដែលបង្ហាញពីជំនឿរបស់លោកថា "វាសំខាន់ណាស់ដែលយើងបង្រៀនមនុស្សឱ្យចេះវិភាគ ល្អជាជាង អនុវត្ត រឿងដដែលៗ"។ “គម្រោងកំណត់ត្រានៃការចងចាំ” បង្កើតអោយមានឱកាសដ៏ល្អឥតខ្ចោះ សម្រាប់ប្រជាជនកម្ពុជា គ្រប់ វ័យដើម្បី ទទួលបានបទពិសោធន៏ពិតប្រាកដក្នុងវិស័យប្រព័ន្ធផ្សព្វផ្សាយ។
លើសពីនេះទៅទៀត “គម្រោងកំណត់ត្រានៃការចងចាំ” មិនត្រឹមតែផ្តល់ឱកាសដល់ប្រជាជនកម្ពុជាក្នុងការ បង្កើនជំនាញ បច្ចេក វិទ្យា របស់ពួកគេប៉ុណ្ណោះទេ ប៉ុន្តែវាថែមទាំងផ្តល់នូវបទពិសោធន៍ដែលមិនអាចកាត់ថ្លៃបាន។ ចំណេះដឹងដ៏មាន តម្លៃ កាត់ថ្លែមិនបាននេះ អាចសិក្សាតាមរយៈការស្តាប់រឿងរ៉ាវរបស់មនុស្ស ដែលបានឆ្លងកាត់សម័យខ្មែរក្រហម ដែលនឹង បង្ហាញ ពី អារម្មណ៍ រឿងរ៉ាវ និងភាពស្មោះត្រង់ ដែលអាចនឹងសាបសូន្យបើមិនចងក្រងរក្សាទុក។ បើគ្មាន “គម្រោងកំណត់ ត្រានៃការចងចាំ” ដែលនឹងឧទ្ទិសដល់ការរក្សាចងក្រងបទពិសោធន៍នៃជំនាន់ ដ៏ឃោរឃៅ របស់ ខ្មែ រ ក្រហម នោះទេ រឿងរ៉ាវរបស់ពួកគេនឹងប្រែទៅជាសាបរលាប និងរសាត់ទៅជាទេវកថា។ វាចាំបាច់ណាស់ ដែលប្រជាជន កម្ពុជា បង្កើត យុត្តិធម៌ សម្រាប់ខ្លួនឯង និងធានាថារឿងរ៉ាវនិងបទពិសោធន៍របស់ពួកគេនឹងមិនត្រូវបានគេបំភ្លេច និង មិន អាច កើត ឡើងម្តងទៀត។
